ཉམས་ཞིབ་ཀྱི་སྡེ་ཚན།
གསལ་བསྒྲགས།
ཉམས་ཞིབ་ཀྱི་སྡེ་ཚན།
ཝཱ་ཎ་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་གི་གྲུབ་འབྲས་ཀྱི་ཆ་ནས་གལ་འགངས་ཆེ་ཤོས་ཀྱི་ཆ་ཤས་དེ་ཉམས་ཞིབ་ཀྱི་སྡེ་ཚན་འདི་ཉིད་ཡིན། ཉམས་ཞིབ་སྡེ་ཚན་འདི་ཉིད་ཚན་པ་ལྔ་ལས་གྲུབ་ཡོད་ཅིང་། དེ་དག་གིས་སློབ་གཉེར་ཁང་འདི་ཉིད་ཀྱི་དགོས་དམིགས་གཙོ་བོ་རྣམས་སྒྲུབ་པའི་ཕྱིར། རྒྱ་གར་གཙུག་ལག་དཔེ་གཞུང་རྣམས་ཉར་ཚགས། རྩ་བརླག་ཏུ་སོང་ཟིན་པའམ་ཆ་མ་ཚང་བའི་ལེགས་སྦྱར་གྱི་མ་དཔེ་རྣམས་བོད་སྐད་ནང་བཞུགས་བཀའ་བསྟན་ནས་བསྐྱར་གསོ་བྱ་རྒྱུ། ཚིག་མཛོད་གསར་སྒྲིག་གི་ལས་འཆར། དེ་བཞིན་བོད་ཀྱི་རྩོམ་རིག་གཞུང་ལུགས་ཚད་ལྡན་ཞུ་སྒྲིག་བྱ་རྒྱུ་བཅས་ཡིན།
དབུས་བོད་ཀྱི་གཙུག་ལག་སློབ་གཉེར་ཁང་འདིར་ཌོག་ཊར་བི། ཨར། ཨམྦྷེཌ་ཀཱར་ཉམས་ཞིབ་སློབ་དཔོན་ཀྱི་ཞབས་སྟེགས་ཡོད། བོད་དང་རྒྱ་གར་གྱི་མཁས་པ་རྣམས་ཀྱི་མཉམ་རུབ་ཀྱིས་བཏོན་པའི་གྲུབ་འབྲས་གཏོས་སུ་ཆེ་བ་རྣམས་གོ་ལའི་ཁྱོན་ཡོངས་སུ་བརྩི་མཐོང་ཆེན་པོ་ཡོད། དེ་བཞིན་སྡེ་ཚན་འདི་དག་གི་དུས་རབས་འདྲ་མིན་ལ་བྱུང་བའི་ཡིག་གཟུགས་ལནྫ་དང་། བུ་ཇི་མུལ་དང་། བལ་པོའི་ཡི་གེ མ་གྷ་དིའི་ཡི་གེ ཀུ་ཏི་ལཀ་ཤར་ཡི་གེ ཤར་ད་ཡི་གེ གོ་དི་ཡི་གེ གུཔྟའི་ཡི་གི་ལྟ་བུའི་ཐོག་ཕྱག་ལས་གནང་གི་ཡོད།
