Empanelment of Petty Contractor
གཟི་བརྗིད་མངོན་པར་བཀྲ་བའི་མི་ལོ་ང་བརྒྱད་ཀྱི་གྲུབ་འབྲས།
གཟི་བརྗིད་མངོན་པར་བཀྲ་བའི་མི་ལོ་ལྔ་བཅུའི་གྲུབ་འབྲས།
རྒྱ་གར་གྱི་མཐོ་སློབ་གཞན་ཀུན་ལས་ཆེས་ཐུན་མོང་མ་ཡིན་པར་གྱུར་པའི་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་འདི་བཞིན་དཔལ་ན་ལེན་དྲའི་ལྟ་གྲུབ་ལ་གཞི་བཞག་ནས་དབུ་བརྙེས་པ་ཞིག་ཡིན། ཕྱི་ལོ་༡༩༦༧ལོར་ཇི་ལྟར་གཏམ་རྒྱུད་དུ་གྲགས་པའི་པུར་ཐལ་ལས་བྱུང་བའི་བྱ་མེ་སྐྱེས་བཞིན་དུ་བཙན་བྱོལ་བོད་མིའི་འཐབ་རྩོད་ཀྱི་ཁྲོད་ནས་མཐོ་སློབ་འདི་བྱུང་བ་ཞིག་རེད། ཨེ་གར་༢༩ཅན་གྱི་སྔོ་ལྗང་ཁོར་ཡུག་གིས་མཛེས་པའི་སློབ་གླིང་འདི་ནི་སྟོན་པ་བཅོམ་ལྡན་འདས་ཀྱིས་བཀའ་དང་པོ་བདེན་བཞིའི་ཆོས་འཁོར་མཛད་ཡུལ་རི་དྭགས་ནགས་ལས་སྐར་མ་ཁ་ཤས་ཀྱི་བགྲོད་ལམ་དུ་འགྱུར་པའི་སཱར་ནཱཐ་ཁུལ་དུ་ཆགས་ཡོད། བཙན་བྱོལ་བོད་མིའི་གཞོན་སྐྱེས་རྣམས་དང་ཧི་མ་ལ་ཡའི་རི་རྒྱུད་ཀྱི་སློབ་གཉེར་བ་རྣམས་ཀྱི་ཆེད་དུ་ཤེས་ཡོན་གྱི་ལྟེ་གནས་ཤིག་ཏུ་དམིགས་པ་ལྟར། ནུབ་ཕྱོགས་ཀྱི་མཐོ་སློབ་རྩེ་ཕུད་རྣམས་ཀྱིས་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་འདི་བཞིན་ནང་བསྟན་དང་ཧི་མ་ལ་ཡའི་རིག་གཞུང་གི་ཚོགས་པ་ཞིག་ཏུ་ངོས་འཛིན་བྱེད་ཅིང་ཡོད། གང་དེའི་འཆར་སྣང་དང་དགོས་དམིགས་ཀྱི་དགོངས་དོན་ལྟར། དཔལ་ན་ལེན་དྲའི་ཤིན་ཏུ་ཕྱུག་པའི་ཆོས་ལུགས་འདྲ་མིན་དང་ལྟ་གྲུབ་འདྲ་མིན། མཁས་པའི་བགྲོ་གླེང་གི་སྲོལ་རྒྱུན་རྣམས་བསྐྱར་གསོ་དང་། དར་འཕེལ། ཕབ་སྒྱུར། ཉར་ཚགས་བཅས་ཀྱི་འགན་འཁུར་ལྕི་མོ་ཕྲག་ཐོག་ཏུ་བླངས་ཡོད།
རིག་གནས་དཔྱད་སྟོབས་དང་ཕུལ་བྱུང་ཡང་རྩེར་དམིགས་གཏད་འབད་འབུངས་ཀྱི་སྦྱོར་བ་ལྷོད་མེད་ཐོག དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་གི་ཤེས་རིག་གི་ཁོར་ཡུག་ནི་འཕགས་བོད་རིག་གཞུང་གི་རྣམ་བཀྲའི་ཚོན་མདངས་སྣ་ཚོགས་འདྲེས་པའི་གསོན་ཉམས་དོད་པ་ཞིག་ཡིན།
སློབ་གླིང་རྭ་བའི་ཆེས་ཡར་ཐོན་ཅན་གྱི་ཁང་པའི་བཟོ་བཀོད་དང་། གསར་གཏོད་ཐོན་གསར་རང་བཞིན་གྱི་ཆ་རྐྱེན་དག་གིས་སློབ་ཕྲུག་རྣམས་ལ་དེང་དུས་ཀྱི་ཆ་རྐྱེན་ཚང་འཛོམས་རང་སྒྲིག་ཐོག་ཆེས་མཐོའི་སློབ་གཉེར་དང་ཞིབ་འཇུག་ལ་ལོངས་སུ་སྤྱོད་ཆོག་པ་བྱུང་།
སློབ་གླིང་རྭ་བའི་ཤེས་ཡོན་གྱི་ཁོར་ཡུག་ནི་འཆད་ཉན་དང་ཞིབ་འཇུག་གི་མ་ལག་ཚགས་ཚུད་ཀྱི་རྒྱབ་རྟེན་འོག་ཉམས་ཞིབ་ཀྱི་ངོ་བོར་ཕྱོགས་ཤིང་། གསོན་ཤུགས་ལྡན་པ་ཞིག་ཡོད། རྒྱལ་ཡོངས་ཞིབ་དཔྱོད་དང་ཚད་འཛིན་ལྷན་ཚོགས་༼NAAC༽ ནས་གནས་རིམ་ཀ་པའི་༼A༽ གཟེངས་བསྟོད་བསྩལ་བ་དང་། གཞན་ཡང་གཙུག་ལག་སློབ་གཉེར་ཁང་འདིའི་མཚན་ཐོག་ལ་བྱ་དགའ་དཔེ་བཟང་མང་དུ་ཐོབ་ཡོད་པས། ༸གོང་ས་སྐྱབས་མགོན་སྐུ་ཕྲེང་བཅུ་བཞི་པ་ཏཱ་ལའི་བླ་མ་མཆོག་གི་ཐོག་མའི་འཆར་སྣང་དང་དགོས་དམིགས་ཀྱི་དགོངས་བཞེད་ལས་ཀྱང་ལྷག་པ་བྱུང་ཡོད།
དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་གིས་དེང་དུས་ཤེས་ཡོན་དང་། སེམས་དང་རྟགས་རིགས། ཚད་མ་བཅས་ཀྱིས་གྲུབ་པའི་ཤེས་ཡོན་དང་མཚན་ཉིད་རིག་པའི་སྲོལ་རྒྱུན་དང་ཟུང་འབྲེལ་གྱི་སྒོ་ནས་དགེ་རྒན་དང་། དགེ་འོས་སློབ་དཔོན་རྣམས་ཕྱོགས་ཡོངས་མཉམ་བསྡུས་ཀྱི་ཡར་རྒྱས་སྐྱེད་སྲིང་ཡོང་བར་ཆེད་དུ་དམིགས་ནས་འབད་འབུངས་བྱེད་བཞིན་ཡོད། དམིགས་ཚད་འདི་ནི་གནའ་བོའི་རྒྱ་གར་གྱི་ན་ལེན་དྲའི་སྲོལ་རྒྱུན་ནས་ལེགས་ཆ་བླངས་པ་ཞིག་ཡིན། ཚད་ལྡན་གྱི་དགེ་རྒན་དང་། དགེ་འོས་སློབ་དཔོན། དེ་བཞིན་དགེ་འོས་སྦྱོང་བརྡར་ལམ་ལུགས་ནུས་པ་ངེས་ཐོན་ཞིག་ཁ་ཚ་དགོས་གཏུགས་ཀྱི་དགོས་ངེས་ཡིན་པ་ངོས་འཛིན་བྱུང་ནས། གཙུག་ལག་སློབ་ཁང་འདིའི་དགེ་འོས་སྦྱོང་བརྡར་གྱི་ལྟེ་གནས་ནས་གསར་གཏོད་རང་བཞིན་གྱི་འཆར་བཀོད་དུ་མ་ངོ་སྤྲོད་བྱས་པའི་སྒོ་ནས་སྲོལ་གཏོད་ཀྱི་གོམ་སྟབས་སྤོས། སློབ་ལོ་༢༠༡༤-༢༠༡༥ ནས་བཟུང་། དགེ་འོས་སྦྱོང་བརྡར་ལྟེ་གནས་ནས་ལོ་ངོ་བཞི་ཅན་གྱི་ཉེ་བའི་སྒྱུ་རྩལ་རབ་འབྱམས་དགེ་འོས་དང་ཉེ་བའི་ཚན་རིག་རབ་འབྱམས་དགེ་འོས་ (BAB.Ed./B.Sc.B.Ed.) དང་ལོ་ངོ་གཉིས་ཅན་གྱི་དགེ་འོས་སྦྱོང་བརྡར་རྣམས་འགོ་བཙུགས་བྱས། དང་ཐོག་དགེ་འོས་སྦྱོང་བརྡར་ལྟེ་གནས་འདི་བཞིན་དྷ་ས་དབུས་བོད་མིའི་སྒྲིགས་འཛུགས་ཀྱི་ཤེས་རིག་ལས་ཁུངས་ནས་འཛིན་སྐྱོང་བྱས་པ་རེད། ལས་འཆར་གཉིས་ཀར་རྒྱ་གར་ནང་གི་དགེ་འོས་ཤེས་ཡོན་ལ་སྟངས་འཛིན་དང་ལྟ་རྟོག་བྱེད་མཁན་གྱི་ཆེས་མཐོའི་ལས་ཁུངས། རྒྱལ་ཡོངས་དགེ་འོས་ལྷན་ཚོགས་༼NCTE༽ཞེས་པས་གཞུང་འབྲེལ་བཀའ་འཁྲོལ་ཐོབ་ཡོད།
ད་ལྟའི་ཆར་དགེ་འོས་ཤེས་ཡོན་ལྟེ་གནས་ནས་སློབ་དུས་སོ་སོའི་ནང་བོད་ཀྱི་སྐད་ཡིག་དང་རྩོམ་རིག་རྣམས་ངེས་གཏན་སློབ་ཚན་ཡིན་པའི་ཐོག་ལོ་ངོ་བཞི་ཅན་གྱི་ཉེ་བའི་སྒྱུ་རྩལ་རབ་འབྱམས་དགེ་འོས་དང་ཉེ་བའི་ཚན་རིག་རབ་འབྱམས་དགེ་འོས་ (BAB.Ed./B.Sc.B.Ed.) དང་ལོ་ངོ་གཉིས་ཅན་གྱི་དགེ་འོས་སྦྱོང་བརྡར་རྣམས་སྤྲོད་བཞིན་ཡོད། སློབ་ཚན་འདི་འཛུག་དགོས་པའི་དམིགས་ཡུལ་ནི་བོད་ཀྱི་སྐད་ཡིག་གི་གནས་ཚད་གོང་འཕེལ་དང་ལྷན་དུ་བོད་མི་དང་ཧི་མ་ལ་ཡའི་རི་རྒྱུད་ཀྱི་ཁུལ་དུ་ཡོད་པ་རྣམས་ཀྱི་ཤིན་ཏུ་ཕྱུག་པའི་རིག་གཞུང་རྣམས་ཉར་ཚགས་རྒྱུན་གནས་ཆེད་དུ་ཡིན། དེའི་ཐོག་སློབ་དུས་རེ་རེའི་ནང་དུ་ནང་པའི་རྟགས་རིགས་དང་། སེམས་ཁམས་རིག་པ། ཚད་མ་རིག་པ་ཞེས་པའི་ངེས་པའི་སློབ་ཚན་ཡོད། བསླབ་གཞི་འདིས་བོད་ཀྱི་སློབ་ཁྲིད་ཐབས་ལམ་ལ་གཏིང་ཟབ་པོས་འཇུག་ཅིང་། དོན་གཉེར་བ་རྣམས་ཀྱིས་རིགས་ལམ་གྱི་སྒོ་ནས་སློབ་ཁྲིད་བྱེད་པའི་དགོས་ངེས་ཀྱི་སྦྱོང་བརྡར་སྤྲོད་བཞིན་ཡོད། སློབ་ཚན་འདི་ནི་ལས་འཆར་འདི་ཡི་སྔ་ཕྱི་བར་གསུམ་གྱི་གལ་ཆེའི་གྲུབ་ཆ་ཞིག་ཡིན་ཅིང་། དབུས་གཙུག་ལག་སློབ་གཉེར་ཁང་འདི་ཤེས་ཡོན་གྱི་མྱོང་བ་ཆེས་ཕུན་སུམ་ཚོགས་པར་བྱེད།
- གསར་འགོད་གསལ་བསྒྲགས།
- ཚོང་བརྡ།
- ANNOUNCEMENT
- JOB NOTIFICATION
ནང་པའི་ལྟ་གྲུབ།
ནང་པའི་ཡུལ་སྐོར།
རྒྱ་གར་གྱི་ནང་པའི་བྱུང་རབས།
ཤེས་ཡོན་ལྟེ་གནས་ཁག་དང་མཉམ་ལས།
ང་ཚོའི་དམིགས་བཀར་གནས་ཚུལ།
མཐོ་སློབ་རགས་ཤེར།
1967
ཐོག་མའི་དབུ་འབྱེད།
5
སློབ་གླིང་།
13
ཤེས་ཡོན་སྡེ་ཚན།
95
སློབ་དཔོན།
13
ཤེས་ཡོན་ལས་གཞི།
20
ཤེས་ཡོན་བསླབ་གཞི།
520
སློབ་གཉེར་བ།
རྒྱལ་སྤྱིའི་གདེངས་འཇོག
NEWS & EVENTS
ཉམས་ཞིབ་ཀྱི་དམིགས་བཀར་གནས་ཚུལ།
CIHTS IN PRESS & MEDIA
OUR SOCIAL FEED
CIHTS Social Feed
CIHTS Activity
CIHTS ངོ་དེབ་གསར་འགྱུར།
CIHTS ཨིན་སི་ཊ་གྷ་རམ་གྱི་གསར་འགྱུར།
CIHTS ཊུ་ཊར་གསར་འགྱུར།
CIHTS IN PRESS & MEDIA
