Research and Development Cell

རྒྱ་གར་དབུས་མཐོ་སློབ་འཛིན་སྐྱོང་ལྷན་ཚོགས་ཀྱི་ལམ་སྟོན་དང་། ནེབ་༢༠༢༠ དགོངས་དོན་ལྟར། དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་གི་ཞིབ་འཇུག་དང་ཡར་རྒྱས་ཚན་པས། དངོས་ཡོད་གནས་ཚུལ་དང་ལག་ལེན་གྱི་ཐོག་ནས་ཞིབ་འཇུག་བྱས་ཏེ་སྤྱི་ཚོགས་བདེ་དོན་གྱི་ཕྱོགས་སུ་ཕུལ་བྱུང་གི་ཞིབ་འཇུག་ཐོན་སྐྱེད་བྱེད་པའི་གསར་གཏོད་དང་གྲུབ་འབྲས་ལྡན་པའི་ཁོར་ཡུག་ཅིག་བསྐྲུན་རྒྱུར་དམིགས་ཀྱི་ཡོད། སྲིད་གཞུང་དང་ལས་ཁུངས་ཁག་ལ་ལས་འཆར་འགོད་པའི་ཆེད་དུ་སློབ་སྟོན་པ་མཐོར་འདེགས་བྱེད་པ་དང་། གསར་གཏོད་གཞིར་བཞག་གི་སློབ་ཕྲུག་ཚོའི་ཆེད་དུ་ལས་འཆར་སྤེལ་བ། ཤེས་རིག་སྣ་མང་གི་ཞིབ་འཇུག་གི་བྱ་འགུལ་སྤེལ་བ་སོགས་ལས་དོན་སྣ་ཚོགས་སྤེལ་གྱི་ཡོད། ཚན་པ་འདིས་ཞིབ་འཇུག་སྡེ་ཚན་བཞི་པོ་རྣམས་སློབ་གླིང་སྤྲོད་བཞིན་པའི་ཞིབ་འཇུག་སློབ་ཚན་ལྷན་སྦྲེལ་མཐུད་བྱེད་ཀྱི་ཡོད།