library

ཞི་འཚོ་དཔེ་མཛོད་ཁང་ནི་མཐོ་སློབ་འདིའི་མེད་དུ་མི་རུང་བའི་གལ་ཆེའི་ལྟེ་གནས་ཤིག་ཡིན། དཔེ་མཛོད་འདི་ཉིད་ལ་སྙན་གྲགས་ས་གསུམ་ཀུན་ལ་ཁྱབ་པའི་རྒྱ་གར་གྱི་པཎྜི་ཏ་ཆེན་པོ་གང་གི་མཚན་གྱི་རྗེས་སུ་གསོལ་བ་དེས་མཐོ་སྒང་བོད་ཀྱི་རྒྱལ་ཁབ་ཏུ་རྒྱལ་བསྟན་རིན་པོ་ཆེ་དར་རྒྱས་ཡོང་བ་མཁས་མཆོག་གང་དེའི་མཛད་རྗེས་བཀའ་དྲིན་མཚོན་པར་བྱས་ཡོད། མཐོ་སློབ་འདིའི་ཡར་ཐོན་ཆེ་གྲས་ཀྱི་ཁོངས་སུ་དཔེ་མཛོད་འདི་ཉིད་ཡོད་ཅིང་། དཔེ་མཛོད་འདི་ཉིད་དུ་སློབ་གཉེར་བ་དང་ཞིབ་འཇུག་པའི་ཆེད་དུ་ཡར་ཐོན་དཔེ་གསར་གྱི་མཐུན་རྐྱེན་དང་། དེ་བཞིན་ཡར་ཐོན་ཅན་གྱི་ ICT དང་། སྒྲ་བརྙན་སྡེ་ཚན་སོགས་ཡོད། དེ་བཞིན་དཔེ་མཛོད་འདིའི་ལྟེ་སྙིང་དུ་༸སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་༸ཏཱ་ལའི་བླ་མ་མཆོག་གནས་གསོལ་བསྩལ་གནང་བའི་བཀའ་བསྟན་ཆ་ཚང་བཞུགས་ཡོད།^th Dalai Lama.

སློབ་གླིང་ར་བའི་དཀྱིལ་དབུས་སུ་ཆགས་པའི་ཐོག་བརྩེགས་བཞི་ཅན་གྱི་དཔེ་མཛོད་ཁང་འདི་ཉིད་ལ་རྒྱལ་སྤྱི་ནང་རྒྱལ་ནང་གི་མཁས་པ་མང་པོའི་ཡིད་དབང་འཕྲོག་ཡོད་ཅིང་། མཁས་པ་འགའ་ཤས་ནི་དཔེ་མཛོད་ཁང་འདི་ཉིད་ཁོ་ནར་དམིགས་ནས་སློབ་གླིང་འདིར་ཕེབས་ཀྱི་ཡོད་ཅེས་ན་འུད་བརྗོད་དུ་མི་འགྲོ་བ་ཡིན།