སློབ་གཉེར་བ།
གསལ་བསྒྲགས།
Previous
Next
སློབ་གཉེར་བའི་དཔེ་སྐྲུན།
སློབ་གཉེར་བ་འགའ་ཞིག་གིས་སྒེར་གྱི་རྩོམ་ཡིག་དང་། ཉམས་ཞིབ་ཀྱི་བརྩམས་ཆོས་དག་སྒེར་ངོས་ནས་པར་སྐྲུན་ཞུ་བ་དང་། ཡང་སློབ་གཉེར་བའི་ཚོགས་སྡེ་ཁག་ནས་སློབ་གཉེར་བའི་སྙན་ངག་དང་ཉམས་ཞིབ་ཀྱི་དཔྱད་རྩོམ་སོགས་གཅེས་བཏུས་ཀྱིས་དུས་དེབ་དང་། དཔྱད་དེབ་སོགས་འགྲེམས་སྤེལ་ཞུ་བཞིན་ཡོད།
སྤྱི་ལོ་ ༢༠༠༢ ལོར་རྩོམ་རིག་ལ་དུང་ཞེན་ཆེ་བའི་སློབ་གཉེར་བ་འགའ་ཞིག་ནས་རིག་རླབས་ཞེས་སློབ་གཉེར་བའི་བརྩམས་ཆོས་ཕྱོགས་སྒྲིག་གི་དུས་དེབ་གཅིག་འགྲེམས་སྤེལ་ཞུས་པ་ད་ལྟའི་ཆར་སྤྱིའི་འདོན་ཐེངས་ཉེར་བཞིར་སླེབས་ཡོད། ལོ་གཅིག་ནང་ཐེངས་གཉིས་འདོན་སྤེལ་ཞུ་བའི་དུས་དེབ་དེའི་ནང་། སློབ་གཉེར་བས་ཉམས་ཞིབ་ཀྱི་དཔྱད་རྩོམ་དང་། སྙན་ངག བརྙན་པར། རི་མོའི་སྒྱུ་རྩལ་སོགས་ལེགས་སྐྱེས་དབུལ་ཆོག
རིག་རླབས་རྩོམ་སྒྲིག་ཚོགས་པས་དུས་ནས་དུས་སུ་མཁས་དབང་གདན་ཞུས་ཀྱིས་བོད་ཀྱི་ལོ་རྒྱུས་དང་རྩོམ་རིག་ཐོག་ཟབ་སྦྱོང་དང་། སློབ་གཉེར་བའི་རྩོམ་འབྲིའི་ཆུ་ཚད་གོང་འཕེལ་སླད་རྩོམ་ཡིག་འགྲན་བསྡུར་སོགས་ཀྱང་གོ་སྒྲིག་ཞུ་བཞིན་ཡོད། དེ་དང་ཕྱོགས་མཚུངས་བགྲོ་གླེང་དང་ཚོགས་འདུའི་སླད་མཁས་པ་ཁག་ནས་ཕུལ་འབྱོར་བྱུང་བའི་དཔྱད་རྩོམ་ཕྱོགས་བཏུས་ཀྱི་དེབ་ཕྲེང་དུང་སྒྲ་ཞེས་པའང་འགྲེམས་སྤེལ་ཞུ་བཞིན་ཡོད།
