དཔེ་སྐྲུན།
གསལ་བསྒྲགས།
ཞིབ་འཇུག་ལ་གཞོལ་བའི་སྡེ་ཚོགས།
ཝཱ་ཎ་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་འདིར་རྒྱུན་རིང་སྔོན་ནས་གཟེངས་སུ་ཐོན་པའི་ཞིབ་འཇུག་གི་བྱ་གཞག་བསྒྲུབས་ཡོད། ཞིབ་འཇུག་གི་སྡེ་ཚན་ལྔ་པོ་ཙམ་དུ་མ་ཟད་དགེ་རྒན་དང་སློབ་གཉེར་བའི་ངོས་ནས་ཀྱང་རྒྱལ་སྤྱིའི་ཐོག་མིང་དུ་གྲགས་པའི་ཞིབ་འཇུག་གི་དཔེ་དེབ་དང་རྩོམ་ཡིག་རྒྱུན་མར་སྤེལ་བཞིན་ཡོད། མཐོ་སློབ་འདིར་དྷི་དང་། བོ་དྷི་པྲ་བྷ་ལྟ་བུ་ཞིབ་འཇུག་གི་དུས་དེབ་དང་། རིག་རླབས་སོགས་སློབ་ཕྲུག་གི་དུས་དེབ་སོགས་མང་པོ་ཡོད། པར་སྐྲུན་སྡེ་ཚན་ནས་ནང་ཆོས་དང་། བོད་ཀྱི་བྱུང་རབས་དང་རིག་གཞུང་། སྨན་དཔྱད། བོད་ཀྱི་ཆོས་བརྒྱུད་ཁག་གི་སྐོར། སྐད་ཡིག་རྩོམ་རིག དེ་བཞིན་སྐད་ཡིག་སྣ་མང་གི་ཐོག་དཔྱད་རྩོམ། སྙན་ངག བརྩམས་སྒྲུང་སོགས་བརྗོད་གཞི་སྣ་མང་གི་དཔེ་དེབ་པར་སྐྲུན་ཞུ་ཡི་ཡོད། སློབ་གཉེར་བའི་ངོས་ནས་ཀྱང་སྒྲ་དེབ་དང་གཞས་ཀྱི་བརྙན་འཁོར་སོགས་བཏོན་ཡོད། སློབ་གཉེར་ཁང་འདིས་སྐད་གྲགས་ཡོད་པའི་པར་སྐྲུན་༣༥༠ལྷག་བྱས་ཡོད།
