ཤེས་ཡོན།
གསལ་བསྒྲགས་སྦྱར་པང་།
ཤེས་ཡོན།
གནའ་བོའི་དཔལ་ཎཱ་ལེན་ཌའི་རྩོད་སྒྲུབ་ཀྱི་སྲོལ་རྒྱུན་རྒྱུན་འཛིན་དང་སྦྲགས། སློབ་ཕྲུག་ཚོར་དེང་རབས་ཀྱི་འཇིག་རྟེན་དུ་འཕྲད་པའི་དཀའ་ངལ་དང་གོ་སྐབས་གཉིས་ཀར་གདོང་ལེན་བྱེད་པའི་ཤེས་ཡོན་སློབ་སྦྱོང་སྤྲོད་རྒྱུའི་དམིགས་ཡུལ་འཛིན་ཡོད། སྲོལ་རྒྱུན་གྱི་ཤེས་ཡོན་དང་རིན་ཐང་རྒྱུན་སྲིང་བྱེད་པ་དང་ཆབས་ཅིག་སྲོལ་རྒྱུན་གྱི་བཟང་སྤྱོད་དང་རིན་ཐང་དང་ལྷན་དུ་དཔལ་འབྱོར་རིག་པ་དང་། ཆབ་སྲིད་རིག་པ།དབྱིན་ཇིའི་སྐད་ཡིག གློག་ཀླད་རིག་པ། ཉེ་བའི་གཙུག་ལག་རབ་འབྱམས་དགེ་འོས་བཅས་ཀྱི་སྦྱོང་བརྡར་སློབ་འཁྲིད་བྱེད། སློབ་ཕྲུག་ཙམ་མ་ཡིན་པར་སློབ་གཉེར་ཁང་གི་དགེ་རྒན་ཚོར་ཡང་ཆེད་སྦྱོང་དང་། ཚོགས་འདུ། ཟབ་སྦྱོང་སོགས་འཆར་ཅན་གོ་སྒྲིག་ཞུ་ཡི་ཡོད།
སློབ་གཉེར་ཁང་འདི་ཐོག་མར་དབུ་བརྙེས་པ་ནས་བཟུང་། སློབ་སྤྱི་དང་ངེས་སྟོན་པ། དེ་ནས་རིགས་ཀྱི་བདག་པོ་བཅས་ཕེབས་པའི་རིམ་པ་ནི། སློབ་སྤྱི་སྐྱབས་རྗེ་ཟོང་རིན་པོ་ཆེ་དང་། ངེས་སྟོན་པ་སྐྱབས་རྗེ་ཟམ་གདོང་རིན་པོ་ཆེ། རིགས་ཀྱི་བདག་པོ་སློབ་དཔོན་ཆེན་མོ་ངག་དབང་བསམ་གཏན། རིགས་ཀྱི་བདག་པོ་སློབ་དཔོན་ཆེན་མོ་བློ་བཟང་ནོར་བུ་ཤསྟྲི། ད་ལྟའི་ལས་ཐོག་རིགས་ཀྱི་བདག་པོ་སློབ་དཔོན་ཆེན་མོ་དབང་ཕྱུག་རྡོ་རྗེ་ནེ་གི་བཅས་ཡིན།
