སྐད་རིགས་སྡེ་ཚན།

འཕགས་བོད་ཀྱི་སྲོལ་རྒྱུན་ནང་སྐད་ཡིག་ནི་དུས་དང་རྣམ་པ་ཀུན་ཏུ་ཉམས་ཞིབ་དང་རྩོད་པའི་གཞི་ཆེན་པོ་ཞིག་ཡིན། སྐད་རིགས་སྡེ་ཚན་ནི་རིག་པའི་གནས་ལྔ་ཡི་ནང་ནས་གཏིང་ཟབ་ཤོས་ཀྱི་གྲས་ཤིག་ཡིན། མཐོ་སློབ་འདི་ཉིད་ཐོག་མར་དབུ་བརྙེས་པ་དང་དུས་མཚུངས་སྡེ་ཚན་གསུམ་གསར་འཛུགས་བྱས་པའི་ཁྲོད་ནས་གཅིག་ནི་སྐད་རིགས་སྡེ་ཚན་འདི་ཉིད་ཡིན། དགེ་འོས་ལྟེ་གནས་ནི་སློབ་ལོ་༢༠༡༤ནས༢༠༡༥ སྐབས་སུ་བོད་མིའི་སྤྱི་ཚོགས་ཀྱི་དགོས་མཁོ་དང་བསྟུན་ནས་དགེ་རྒན་སྐྱེད་སྲིང་བྱ་རྒྱུའི་ཆེད་དུ་བཙུགས་པ་ཞིག་ཡིན། སྡེ་ཚན་འདི་ནས་བོད་ཀྱི་སྐད་ཡིག་དང་རྩོམ་རིག གནའ་དེང་གི་སྐད་ཡིག་ཐོག་བསྟན་བཅོས་དང་སློབ་དཔོན་ཡོན་ཚད་ཀྱི་སྦྱོང་བརྡར་སྤྲོད་ཀྱི་ཡོད། སྡེ་ཚན་འདི་ཉིད་ནི་གསར་གཏོད་རང་བཞིན་དུ་འགྱུར་པའི་དགེ་འོས་སྦྱོང་བརྡར་སྤྲོད་བཞིན་ཡོད། དེ་ཡང་ལོ་ངོ་བཞི་ཅན་གྱི་ཉེ་བའི་གཙུག་ལག་རབ་འབྱམས་དགེ་འོས་དང་། ལོ་ངོ་གཉིས་ཅན་གྱི་དགེ་འོས། དེ་བཞིན་སློབ་དཔོན་གནས་རིམ་ཐོག་བོད་ཀྱི་སྐད་ཡིག་དང་རྩོམ་རིག བོད་ཀྱི་སྐད་ཡིག་དང་རྩོམ་རིག་ཐོག་རིག་པའི་ཆུ་གཏེར་ཡོན་ཚད་ཀྱི་ལག་འཁྱེར་སྤྲོད་ཀྱི་ཡོད།